دليل دعوة أونلاين
صيغ دعوات زفاف جاهزة
أصعب شي بالدعوة أحياناً هو أول سطر. جمعنالكم صيغ دعوات أعراس جاهزة، من الرسمية للعفوية، بالفصحى وباللبناني وبالإنكليزي، مع عبارات دينية للمسلمين وللمسيحيين.
انسخوا الصيغة يلي بتعجبكم وبدّلوا الكلمات يلي بين [قوسين] بأسمائكم وتفاصيل فرحكم.
آخر تحديث:
صيغ دعوات زفاف رسمية
بالفصحى، من الأهل أو من العروسين، بتليق بكل الأعراس.
دعوة من الأهل
يتشرّف السيد [اسم والد العريس] وعقيلته والسيد [اسم والد العروس] وعقيلته بدعوتكم لحضور حفل زفاف نجليهما [اسم العريس] و[اسم العروس] وذلك يوم [اليوم] الواقع فيه [التاريخ] الساعة [الوقت] مساءً في [المكان]، [المدينة] حضوركم يزيدنا فرحاً وسروراً
دعوة من العائلتين
عائلتا [عائلة العريس] و[عائلة العروس] تتشرّفان بدعوتكم إلى حفل زفاف [اسم العريس] و[اسم العروس] يوم [اليوم] [التاريخ]، الساعة [الوقت] في [المكان] دامت الأفراح في دياركم العامرة
دعوة من العروسين
بقلوبٍ يملؤها الفرح ندعوكم لمشاركتنا فرحة زفافنا [اسم العريس] و[اسم العروس] [اليوم] [التاريخ] – الساعة [الوقت] [المكان] بحضوركم تكتمل فرحتنا
صيغة قصيرة
معاً نبدأ فصلاً جديداً ويسعدنا أن تكونوا جزءاً منه حفل زفاف [اسم العريس] و[اسم العروس] [التاريخ] · [المكان]
صيغ دعوات عرس باللبناني
عفوية وقريبة من القلب، متل ما منحكي مع أهلنا وأصحابنا.
بكل محبة
بكل محبة منعزمكن على عرس [اسم العريس] و[اسم العروس] نهار [اليوم] [التاريخ]، الساعة [الوقت] بـ[المكان] فرحتنا ما بتكمل إلا فيكن
ليلة العمر
أهلنا وحبابنا، بفرح كبير منعزمكن تشاركونا ليلة العمر [اسم العريس] و[اسم العروس] [اليوم] [التاريخ] – [المكان] ناطرينكن
مرحة
إجا اليوم يلي ناطرينو! [اسم العريس] و[اسم العروس] رح يتزوّجوا وما في عرس من دونكن [التاريخ] · [الوقت] · [المكان] أكّدوا حضوركن من الرابط
صيغ دعوات زفاف إسلامية
مع آية أو دعاء، للعرس أو لكتب الكتاب.
مع آية المودّة والرحمة
بسم الله الرحمن الرحيم ﴿وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً﴾ يتشرّف [اسم والد العريس] و[اسم والد العروس] بدعوتكم لحضور حفل زفاف نجليهما [اسم العريس] و[اسم العروس] وذلك يوم [اليوم] [التاريخ]، الساعة [الوقت] في [المكان] وبحضوركم تتمّ الفرحة
على بركة الله
بسم الله الرحمن الرحيم على بركة الله نتشرّف بدعوتكم لمشاركتنا فرحة زفاف [اسم العريس] و[اسم العروس] [اليوم] [التاريخ]، الساعة [الوقت] [المكان] جزاكم الله خيراً على مشاركتكم
كتب الكتاب
بسم الله الرحمن الرحيم بارك الله لهما وبارك عليهما وجمع بينهما في خير ندعوكم لحضور عقد قران [اسم العريس] و[اسم العروس] يوم [اليوم] [التاريخ]، الساعة [الوقت] في [المكان]
صيغ دعوات زفاف مسيحية
للإكليل المقدّس، مع آية من الإنجيل وتقبّل التهاني.
دعوة إلى الإكليل
«فالذي جمعه الله لا يفرّقه إنسان» (متى 19: 6) يتشرّف السيد [اسم والد العريس] وعقيلته والسيد [اسم والد العروس] وعقيلته بدعوتكم لحضور حفل الإكليل المقدّس لنجليهما [اسم العريس] و[اسم العروس] وذلك يوم [اليوم] [التاريخ]، الساعة [الوقت] في كنيسة [اسم الكنيسة]، [البلدة] تُقبل التهاني في صالون الكنيسة بعد الإكليل مباشرة
بنعمة الرب
بفرحٍ كبير وبنعمة الرب ندعوكم لمشاركتنا سرّ الزواج المقدّس [اسم العريس] و[اسم العروس] [اليوم] [التاريخ]، الساعة [الوقت] كنيسة [اسم الكنيسة]، [البلدة] ويليه حفل الاستقبال في [المكان]
المحبة لا تسقط أبداً
«المحبة لا تسقط أبداً» (1 كورنثوس 13: 8) بمحبة وفرح ندعوكم لحضور إكليل [اسم العريس] و[اسم العروس] [اليوم] [التاريخ] – [الوقت] كنيسة [اسم الكنيسة]
عبارات جاهزة للدعوة
سطور صغيرة لتأكيد الحضور، الأطفال، الختام ورسالة الواتساب.
تأكيد الحضور
نرجو تأكيد الحضور قبل [التاريخ] من رابط الدعوة.
الأطفال
مع كل محبتنا لأطفالكم، جنّة الأطفال منازلهم.
دعوة للكبار فقط
مع محبتنا، الدعوة مخصّصة للكبار فقط.
ختام
دامت الأفراح في دياركم العامرة.
ختام آخر
حضوركم يزيدنا فرحاً، وغيابكم ما بيكمّل فرحتنا.
رسالة واتساب مع رابط الدعوة
مرحبا [اسم العائلة]، بكل محبة منعزمكن على عرسنا. هيدا رابط الدعوة، وفيكن تأكّدوا حضوركن منّو: [رابط الدعوة] [اسم العريس] و[اسم العروس]
شكر بعد العرس
من كل قلبنا، شكراً لكل حدا شاركنا فرحتنا وكان معنا بأحلى يوم بحياتنا. [اسم العريس] و[اسم العروس]
صيغ دعوات زفاف بالإنكليزي
لما الدعوة بالإنكليزي، أو بلغتين لأهل وأصحاب برّا لبنان.
Formal, from the couple
Together with their families [Bride] & [Groom] request the pleasure of your company at the celebration of their marriage [Day], [date] at [time] [Venue], [City]
From the parents
Mr. and Mrs. [Groom's father] and Mr. and Mrs. [Bride's father] request the pleasure of your company at the marriage of their children [Groom] & [Bride] [Day], [date] at [time] [Venue], [City]
Relaxed
We're getting married! [Bride] & [Groom] Join us for a night of love, dinner and dancing [Date] · [Venue] Kindly RSVP through the invitation link by [date]
شو لازم يكون بدعوة العرس؟
- أسماء العروسين، وأسماء الأهل أو العائلتين إذا الدعوة منهن.
- اليوم والتاريخ والساعة، ومكان العرس مع رابط الخريطة.
- برنامج اليوم إذا في أكتر من محطة: الإكليل أو كتب الكتاب، والاستقبال، والسهرة.
- آخر موعد لتأكيد الحضور، وعدد المقاعد لكل عائلة.
- أي ملاحظة مهمّة: الأطفال، اللباس، أو تقبّل التهاني.
أسئلة عن صيغ الدعوات
مين بيكتب اسمه بالدعوة، الأهل أو العروسين؟
الدعوات التقليدية بتكون من الأهل (يتشرّف السيد… وعقيلته)، وكتير من العرسان اليوم بيكتبوا الدعوة باسمهن. التنين صحّ، اختاروا يلي بيناسب عيلتكن وطبيعة العرس.
قدّيش قبل العرس لازم نبعت الدعوة؟
عادةً بين 4 و6 أسابيع قبل العرس. للضيوف يلي جايين من برّا لبنان، خبّروهن أبكر (شهرين أو تلاتة) ليرتّبوا سفرهن، وبعدين ابعتولهن الدعوة.
فينا نعمل الدعوة بالعربي والإنكليزي سوا؟
إيه. بدعوة أونلاين كل عائلة بتوصلها الدعوة باللغة يلي بتختاروها إلها، والضيف فيه يبدّل بين العربي والإنكليزي بأي وقت.
كيف منكتب ملاحظة الأطفال بطريقة لطيفة؟
العبارة المعروفة هي «جنّة الأطفال منازلهم»، أو ببساطة «الدعوة مخصّصة للكبار فقط» مع كلمة محبة. وبالدعوة الإلكترونية فيكن تحدّدوا عدد المقاعد لكل عائلة.